Vou im Biud Lyrics

Är kennt d'Houptstadt vo Mozambique
und weiss wo Truebschache liegt.
Är isch wiff, weiss ds Resultat vo 120 im Quadrat.
Kennt jede Stärn am Firmamänt
und die geologischi Konsischtänz.
Kennt jede U.S.-Presidänt;
Inklusiv dene wo's nid het glängt.
Är kennt die 7 Bundesrät,
liest d' Zytig vom Morge früech bis spät.
Isch über jede Chrieg im Biud.
Weiss weli Aktie s'grad so bringt:
Kennt dr Dollarkurs im Schlaf
und dr Ozonwärt im Puschlav.
Weiss was äs morn für Wätter git
und wo d' Nou-Grad-Gränze liegt.
Laat mi la aut usgseh!
Wenn aues klar isch weiss är no meh,
setzt geng no eine druuf,
bi ihm geit immer aues uuf.
Gägänüber ihm bini blöd.
Ig finge, är stört.
Är isch vou im Biud. Är isch vou nid gwiut,
die Frag ä so lah z'stah. Mues geng än Antwort ha.
Itz gitz äs Gruppebiud, aber är isch vou nid gwiut
für üses Gruppebiud, wüu är isch z'mitz im Biud.
Är weiss, weiss das jedi weiss.
Weiss Bscheid über jede erloucht Kreis.
Är kennt jedi und jedi kennt ihn.
Kennt jedi Bewegig und jedes Parfüm.
Är weiss was hüt abgeit,
är weiss wär wohäre geit,
weiss über jedi Fetä Bscheid
und weiss wenn's Girls ineschneit!
Är lost nume ei Ton
ir Hitparade und kennt dr
Song, öb Single oder Album,
öb Cöuntry oder Cuban Son.
Weiss wär steit ufem Eis
und weiss, dass är's weiss.
Het geng än Antwort parat:
Wär wird dr nöi Superstar?