Dr Hit Lyrics

Ig mache keis Gheimnis drus, ig bi dr Bescht.
Bewise vom Kassesturz und vo Stiftig Waretescht.
Priis-Leischitg, Choschte-Nutze isch optimau,
mini Qualität u Bedienig geniau eifach.
Ha ä Outopilot und bi Vououtomat,
Säubschtreinigung und biologisch abboubar.
Mit mir chasch ds Budget schone und schöner wohne.
Bi ä Tinteschtraudrucker mit voue Patrone.
Ig bi dr Hit. Bi d'Aktion im Chüeuregau.
Spiu mi no mau!
Mi fingt mä nid uf Wärbefahrte, sondern i Zitigsbrichte:
nid unger dä Chliiazeigä, sondern uf dr t**usite.
Ha nüt Chlydruckts, bi vom Härsteuer empfohle,
wenn de itze bsteusch muesch mi nid cho abhole.
Lieferig frei Huus, ohni Trybstoffzueschlag.
Ha keni Flughafetaxe oder ä Früebuecherrabatt.
Wirde mit Liebi produziert, mit 2 Wuche Äxtrasunne
u einzeln kontrolliert, me het no nie ä Fähler gfunge.
Ig ha keni Statements vo Promis nötig.
Uf MTV und VIVA, du weisch was äs dört git:
Klingutön türer aus äs Album, oh Wunder!
Sie hei ä 0900er und ig ä Gratis-Nummer.
Dä Hit, wo n'ig dir aabiete...
dä Hit, isch bestimmt ke Niete...
dä Hit hett bestimmt kei Hagge,
wes nid gloubsch, de tue warte
u chouf mi uf Raate.