Ab zum nächsten Loch Lyrics

Bankhaus Pesch un Kloppenheim
laden hück zom Golfen ein.
Jeder dä jet op sich hält es mit dobei.
Ca. hundertfuffzich Mann
stonn für achtzehn Löcher aan;
Henkel trocken kurz nach acht, Kanonenstart.
Jo dann weed affjeschlare un dä Ball, dä flüch:
„Guter Schlag Herr Schmitz, doch leider en d'r Bösch."
Alles fängk zo söke aan, plötzlich litt hä aan d'r Fahn.
Jo su jeiht et och, dann ab zom nächsten Loch.

Taktisch klug un ussjereift
hätt Frau Pesch de Fahn erreicht
un mem Dekoltee dä Neumann affjelenk.
Denn dä zeichte jrad met Stolz,
dä Frau Schmitz et neue Holz,
dornet hät hä dann dä Ball im Teich versenk.
Dr. Berg un Dr. Klein graben sich im Bunker ein
un dobei weed och janz heftich diskuteet
„Dat is ech en Sauerei, et woren vier un niemols drei."
Jo su jeiht et och, dann ab zom nächsten Loch.

Jetz vum Ehrjeiz anjetrieben,
greift Herr Pesch zum Eisen sieben
un schläht domet singe Ball zom letzte Jröön.
„Jung, dä Schlaach wor janit schläch."
D'r Kloppenheim stund nur im Wääch.
Hä soh Stääne un et Handicap wor hin.
Alles waat im Clubhaus op sing Resultat;
dä Herr Fischer vum Bordell hät et jemaaht.

Jo dat Golfen hält uns fit, ob mer't kann oder och nit.
Tschüß bes nächste Woch, mir treffe uns am Loch.