Ich han de Musik bestellt Lyrics

Hück es Danz en d´r Mai, Meddernach es vorbei.
Un et janze Zelt es ald high, die Stimmung kütt om Höhepunk an.
Ich wollt jrad noch danze un frochten en Änn,
do hür ich vun hingen en ieskahle Stemm: „Dat jeit nit, ich ben dran!"
Ich han de Musik bestellt, doröm bestemme ich och wat se spillt,
du kanns jo jon leeve Jung, wenn dir dat he nit jefällt.
Ich han dat Mädche als eetster jebütz
un doröm es och dat Ding he jeritz,
denn wä de Musik bestellt, dä bestemp wat se spillt.

Drop nohm ich mi Jlas un dach leever Jott,
fing dich met af Jung und räch dich nit op.
Dä letzte, dä noch lach, dat ben ich.
Ich jing zo d´r Musik, bestellte e Leed.
Do hür ich die Stemm vun däm Hein wie hä sät:
„Dat jeit nit, ich ben dran!"
Ich han de Musik bestellt...

Et Feß wor am Eng un die Lück wollten heim,
un ich hatt mi Ännche schon bei m´r em Ärm,
do soh ich dä ärme Hein.
Kom rüvver un meint: „Änn, ich bräng dich noh Hus."
Drop sat ich zo im: „Hein, jetz es ävver Schluss,
do sühs doch, dat Spillche es us!"

Denn jetz han ich he de Musik bestellt,
doröm bestemme ich och wat se spillt,
do kanns jo jon, leeve Jung, wenn dir dat he nit efällt.
Ich han dat Mädche als eetster jebütz
un doröm es och dat Ding he jeritz,
denn wä de Musik bestellt, dä bestemp wat se spillt.

La la la.......

denn jetz han ich de Musik bestellt,
doröm bestemme ich och wat se spillt,
denn wä de Musik bestellt,
dä bestemp wat se spillt.