Nu alrêst lebe ich mir werde,
Sît mîn sündic ouge siht
Daz reine lant und ouch die erde
Der man sô vil êren giht.
Mirst geschehen des ich ie bat,
Ich bin komen an die stat
Da got mennischlîchen trat.
Schoeniu lant rîch unde here,
Swaz ich der noch hân gesehen,
So bist duz ir aller êre.
Waz ist wunders hie geschehen!
Daz ein magt ein kint gebar
Her übr aller engel schar.
Was daz niht ein wunder gar?
Hie liez er sich reine toufen,
Daz der mensche reine sî.
Da liez er sich hie verkoufen,
Daz wir eigen wurden frî.
Anders wæren wir verlorn,
Wol dir, sper kriuz unde dorn!
Wê dir, helden! Deist dir zorn.
Hinnen fuor der sun zer helle
Von dem grabe, da'r innelac.
Des was ie der vater geselle,
Und der geist, den niemen mac
Sunder scheiden: est al ein,
Steht und ebener danne ein zein,
Als er Abrahâme erschein.
In diz lant hat er gesprochen
Einen angesIîchen tac,
Da diu witwe wirt gerochen
Und der weise klagen mac
Und der arme den gewalt
Der da wirt an ime gestalt,
Wol im dort. der hie vergalt!
Sît mîn sündic ouge siht
Daz reine lant und ouch die erde
Der man sô vil êren giht.
Mirst geschehen des ich ie bat,
Ich bin komen an die stat
Da got mennischlîchen trat.
Schoeniu lant rîch unde here,
Swaz ich der noch hân gesehen,
So bist duz ir aller êre.
Waz ist wunders hie geschehen!
Daz ein magt ein kint gebar
Her übr aller engel schar.
Was daz niht ein wunder gar?
Hie liez er sich reine toufen,
Daz der mensche reine sî.
Da liez er sich hie verkoufen,
Daz wir eigen wurden frî.
Anders wæren wir verlorn,
Wol dir, sper kriuz unde dorn!
Wê dir, helden! Deist dir zorn.
Hinnen fuor der sun zer helle
Von dem grabe, da'r innelac.
Des was ie der vater geselle,
Und der geist, den niemen mac
Sunder scheiden: est al ein,
Steht und ebener danne ein zein,
Als er Abrahâme erschein.
In diz lant hat er gesprochen
Einen angesIîchen tac,
Da diu witwe wirt gerochen
Und der weise klagen mac
Und der arme den gewalt
Der da wirt an ime gestalt,
Wol im dort. der hie vergalt!