Frauenlobs anckelwyse Lyrics

Ich sach in einen garten gan
Altissimus und sine zwolif dinestman.
Er sprach zu ich: „Ir hern, ich will uch schencken
So einen seldenrichen tranck
Clar luter fin alz er am summerbirge sprang
Ir lieben gest, damit will ich uch trencken.
Trincket ir seldenriches her
Zwar uch get?rstet nymmer mer:
Der ein enpfing des tufels ler;
Ach tumme welt, daran solt du gedencken."

Johannes gottes minne son
Peter paulus zu aller zit der beste jon
Mathis mathes des selben rich geslechte.
Filip jacop endre sxmon
Judam judas thomas sant bartholome so schon
und ich die loben das hette ich vil gut rechte.
Ein abendessen da geschach
Gab unser here f?r ungemach
Eyn wasser her do got selber sprach:
„Ich wasche eure f??e myn lieben knechte."
Sant Peter sprach: „Das wer nit recht
Ir sint myn here so bin ich aber ?wer knecht
Ir wescht mir nit die f?sse myn daz geloubet."
„Sant peter das were missefar
des riches myn so werst du verwiset gar

myns vaters fr?udt w?rdestu gar beraubet."
Sant peter sprach: „Owe der pin
Sol ich von dir gescheiden sin
Nit la? du mich drut schopfer myn

Du weschest beide f??e und auch das houbet."