.

Miehstens unzertrennlich Lyrics

Un manchmohl denk ich noch ahn dich,
nit off, doch et kütt vüür,
dat ich jet hühre oder sinn
un schon stehß du vüür mir:
Em Parka, Stivvel, Minirock
un der France Gall-Frisur.
Du häss die janze Stadt verzückt,
ding Art un ding Fijur.
Op jeden Fall häss du mich
schließlich kloorjemaat.
Miehstens unzertrennlich,
doch off och sonderbar.

Un manchmohl woorste sujar treu.
Naja, du woors halt wild.
All veezehn Daach woor et vorbei,
dann `t nähxte Trauerspill.
Ming eezte Songs jingen ahn dich,
die miehste bettersööß.
Larmoyanz, Melancholie,
un manche nur nervös.
Ich weiß nit, ob ich jemohls
mich bei dir bedankt
für Leidenschaft und Unschuld,
Trost un ...allerhand.

Op jeden Fall häss du mich
schließlich kloorjemaat.
Miehstens unzertrennlich,
doch off och sonderbar.
Ich hoff, du bess glöcklich,
wo immer du bess.
Un och, dat du mich
nit völlig verjiss.

Op jeden Fall häss du mich
endlich kloorjemaat.
Miehstens unzertrennlich,
doch irjendwie bizarr.

Un manchmohl denk ich noch ahn dich,
nit off, doch et kütt vüür,
dat ich jet hühre oder sinn
un schon stehß du vüür mir.
Report lyrics
Lebenslänglich (2016)
Alles relativ Absurdistan Dä Herrjott meint et joot met mir Die Ballade vom Vollkasko-Desperado Miehstens unzertrennlich Et ess lang her Dausende vun Liebesleeder Auszeit Vision von Europa Zeitverschwendung Schrääsch hinger mir Sankt Florian Komisch Unendlichkeit Schritt für Schritt Heimweh noh Kölle