.

Griefbar noh Lyrics

---> by a**o <---

Zojefroore litt dä See,
et weed langsam hell, hä woor schon ens he,
schwemme liere sollt'e domohls.
Nüng Levve hätt'e wie en Katz.
Dat, wat jraad dran ess, hätt'e ziemlich satt.
Op singem Drootseil steht'e rootlos.
Die Hugg uss Horn op singer Seel ess wund,
ahnjesunge en unzählje Stunde,
E wiess Emailjeschild säät "Salzburg"!
Schnie weed Rään, dann duhrt et niemieh lang,
dat du ohm Bahnsteig stehs un - jottseidank -
e Netz opspanns, dat ihm Balance jitt.

Gare de l'Est, Cafe des Arrivees,
de Häng jewärmp ahn nem Cafe au Lait.
Hä hührt sing Stemm, die wie vun selvs sprich.
Leis sing'e Leed vüür, wat ne Jung en Rom
vüür Johre schriff, eins wat ihm immer schon
'ne Leuchturm woor; 't fählt nur dä Stadtplan.
Paris pulsiert schon oder immer noch,
hä spillt dä fröhliche, du merks et...doch,
hilfs ihm sing Bleijedanke draare.
Vier Kinderaure siehte Daach un Naach,
ob e nu schlööf, oder wie miestens waach,
alles op Null - darf hä dat woore?
Refr.:
Op eimohl woor et griefbar noh,
jet wat wie uss nem andre Levve woor.
Dat Jeföhl woor plötzlich do,
diffus un unbestemmp,
doch et woor griefbar noh.

Eck St. Marks un Second Avenue
zwei Mohnd später noch e Deja Vu:
En Handvoll Loser op Silvester.
Jeruch vun Färv, knallwiess Neonleech.
jrundierte Leinwäng un e blass Jeseech,
ne Fründ ahm Eng ... oder ahm Ahnfang?
Da's zehn Johr her, doch wat hück intressiert
ess dat e't endlich widder en sich spürt,
't widder do, dat lang vermesste Fieber.
Schutzengel, ... hühr ihm zo,
sick dämm Daach weiss e, dat e su wie du
widder jevve kann - un zwar uss Liebe.
Refr.:
Op eimohl woor et griefbar noh,
jet wat wie uss nem andre Levve woor.
Dat Jeföhl woor plötzlich do,
diffus un unbestemmp,
doch et woor griefbar noh
Report lyrics