.

Ein für allemohle Lyrics

Mai '42 wohr se sibbe, met Sommersprosse 'n blonde Hoor.
Die „Dausend Bomber övver Kölle" wohrn eez dä Ahnfang, aff do
Fass jede Naach Alarmsirene, fass jede Naach enn Duudesangs
Met Mamm un Schwester un däm Kleine die Strooß erunder nohm Bunker jerannt,
Off als et leechterloh brannt.
"En einzije Naach bloß un du häss ein für allemohle jeliert,
Verschött enn 'nem Keller, wer sämpliche Kreeje sick jeher verliert."

All die Pulsschlääsch em Stockdunkle, all dä Krach, all dä Jestank,
All dä Stöbb enn Kinderlunge, all dä Rauch, all die Angs,
All die Wunde, all die Träne, all dat Bloot un all dä Dreck,
All die Duude ohne Name, zerfetz, verrenk un versengk,
Die kräät se nie mieh verdrängk.
"En einzije Naach bloß un du häss ein für allemohle jeliert,
Verschött enn 'nem Keller, wer sämpliche Kreeje sick jeher verliert."

Die Brosch met däm Anker nevve däm joldne Häzz,
Rääts un links vun däm Krüzz, hatt ihre Bapp noch jescheck,
Eh dat e' vermess wood, irj'ndwo'n enn der Normandie verreck,
Jed'nfalls kohm dä nie zoröck, nä, dä kohm nie zoröck.
"En einzije Naach bloß un du häss ein für allemohle jeliert,
Verschött enn 'nem Keller, wer sämpliche Kreeje sick jeher verliert."
Report lyrics