Imperayritz de la ciudad joyosa
de paradis ab tot gaug eternal
neta de crims de virtutz habundosa
mayres de Dieu per obra divinal
verges plasen ab fas angelical
axi com sotz a Dieu molt graciosa
placaus estar als fizels piadosa
preyan per lor al rey celestial.
Rosa flagran de vera benenanca
fons de merce jamays no defallen
palays d'onor on se fech l'alianca
de deu e d'hom per nostre salvamen
e fo ver Dieus es hom perfetamen
ses defallir en alcuna substanca
e segons hom mori senes dubtanca
e com ver Dieus levech del monimen.
Flor de les flor dolca clement et pia
l'angel de Dieu vesem tot corrocat
e par que Dieus lamandat qu'ens alcia
don el es prest ab l'estoch affilat.
Donchos placa vos que'l sia comandat
qu'estoyg l'estoch e que remes nos sia
tot fallimen tro en lo presen dia
ens done gaug e patz e sanitat.
Verges ses par misericordiosa
de vos se tany quens defenats de mal
e no siats devas nos endenyosa
pels fallimentz que fem en general.
Mas quens cubratz ab lo manto real
de pietat pus quen etz cupiosa
car totz em faytz d'avol pasta fangosa
per que'l fallir es de carn humenal.
Vexell de patz corona d'esperanca
port de salut be segur de tot ven
vos merexets de tenir la balanca
on es pesat be dreyturerarem.
E pesa mays vostre fill excellen
mort en la crotz per nostra delivranca
quels peccats d'om en fayt nen cobeganca
al be fizel confes e peniden.
Estel de mar qui los perillans guia
e'ls fay venir al bona salvetat
si Jesu Christ obeir no volia
co que per vos li sera supplicat
mostratz-li'els pitz don l'avetz alletat
et totz los santz ab la gran jerarchia
de paradis qui us faran companya
tot quan voiretz vos er ben autreyat.
de paradis ab tot gaug eternal
neta de crims de virtutz habundosa
mayres de Dieu per obra divinal
verges plasen ab fas angelical
axi com sotz a Dieu molt graciosa
placaus estar als fizels piadosa
preyan per lor al rey celestial.
Rosa flagran de vera benenanca
fons de merce jamays no defallen
palays d'onor on se fech l'alianca
de deu e d'hom per nostre salvamen
e fo ver Dieus es hom perfetamen
ses defallir en alcuna substanca
e segons hom mori senes dubtanca
e com ver Dieus levech del monimen.
Flor de les flor dolca clement et pia
l'angel de Dieu vesem tot corrocat
e par que Dieus lamandat qu'ens alcia
don el es prest ab l'estoch affilat.
Donchos placa vos que'l sia comandat
qu'estoyg l'estoch e que remes nos sia
tot fallimen tro en lo presen dia
ens done gaug e patz e sanitat.
Verges ses par misericordiosa
de vos se tany quens defenats de mal
e no siats devas nos endenyosa
pels fallimentz que fem en general.
Mas quens cubratz ab lo manto real
de pietat pus quen etz cupiosa
car totz em faytz d'avol pasta fangosa
per que'l fallir es de carn humenal.
Vexell de patz corona d'esperanca
port de salut be segur de tot ven
vos merexets de tenir la balanca
on es pesat be dreyturerarem.
E pesa mays vostre fill excellen
mort en la crotz per nostra delivranca
quels peccats d'om en fayt nen cobeganca
al be fizel confes e peniden.
Estel de mar qui los perillans guia
e'ls fay venir al bona salvetat
si Jesu Christ obeir no volia
co que per vos li sera supplicat
mostratz-li'els pitz don l'avetz alletat
et totz los santz ab la gran jerarchia
de paradis qui us faran companya
tot quan voiretz vos er ben autreyat.