.

Zeiche Setze Lyrics

Zeiche setze

Es isch viel passiert syt em letschte Release.
Für die einte bin-y e freshe MCEE, anderi läschtere schyyns.
Ych loos unterdesse die Beats, wo euer Hirn wiete
und schrib Text mit em Ziel unsre Nyyder d'Stirn z'biete.
Klar isch, mir hän viel überrascht oder in Arsch gfiggt,
doch dass mr so viel Resonanz erfahre das isch dr Wahnsinn.
Für 10'000 Einheite würde andri d'Bei spreize,
ych kämpf mit gmischte Gfühl, wo mis Innre zweiteile
und sich im Kreis dreihe, Freud und Angscht vermische sich.
Erfolg macht glücklich doch au paranoid, sicherlich.
'Stand an Partys im Absyts wil mr nid viel dra lyt e Star z'syy,
oder gammle umme und los mich goh, bis mich mi Bart bisst.
Ruhm isch süess wie Smarties, doch hett bitteri Näbeeffekt:
Nach eme guete Konzärt und dr nid sältene Fescht
hesch oft d'Illusion, als wär di Läbe perfekt,
doch was blyybt isch d'Erinnerig und s'Gift wo in dinere Läbere steckt.

Mir wän Weiche stelle und Zeiche setze.
Plane jetzt d'Zuekunft, drum söll uns keine stresse.
An all die kleine Deppe, wo uns kritisch beguetachte:
Hän dr nid gmerkt, dass es jetzt Zyt isch zum Fuess fasse?
Mir müen zuepacke, bevor sich alli Türe zuemache.
Und in Rueh wachse, bevor mr verstaube wie Schueschachtle.
Wenn mir an Gluet bastle, glänze mr wie Perlmuet,
bekämpfe die derb Wuet locker, als hätte mr's im Erbguet.

Ych bi dankbar für die Liebi wo mr uns entgägebringt.
Für die Momänt wo ych mr z'Härze nimm und mis Läbe stimmt.
Handkehrum git's au viel Nyyder wo nid könne still blyybe,
wo plötzlich „sell out" schreye und öppis vo wäge „real keepe".
Nenn uns myynedwäge Kommerz, verdammt mir verkaufe Platte.
Hän nie dänkt wieviel's denn wärde und dass alli Auge mache.
k**m nid vo wäge Ussverkauf, unsri Crew macht super Sound,
nid weil e Major uns ufbaut, sondern weil mr unsrer Kunst vertraut.
Mir hän Credibility, wän alles usser billig syy,
nämme nur was uns zuestoht, äntwäder wehrsch di oder willigsch yy.
Mir kokettiere nid mit em Mainstream, das isch Bullshit!
Klar, mir hän mehr Ufmerksamkeit kriegt als dr Durchschnitt;
doch die löscht dr Durst nid, sondern git uns d'Möglichkeit,
mit unsre Wort z'vermittle, was süscht irgend e Lööli seit.
Wil dr grössti Teil hett nach wie vor kei Ahnig vo uns,
kennt unser Clip und nid dr Sound, doch dä isch d'Basis vo uns.
Refrain
Was meinsch, söll ych euch Penner verschone mit mine Emotione?
Ych glaub nid, ych wird sie eher no stärker betone.
Dr einte sin die Text viellicht zu kopflastig,
andri finde unsri Beats zu bombastisch.
So ergit sich unsri Praxis, wenn dr DJ dr Beat bringt
und die Hater blyybe eh stumm, wenn ihr drbyy sind.
Ych will uf dr Bühni im Mittelpunkt stoh und nid au sunscht no.
Vieli vergässe, dass es im Grund gnoh immer no um Kunst goht.
Alles anderi isch sekundär, uns goht's nid um Sekt und Gäld,
wobyy ohni Yynahme uns dr Background fählt.
Es isch e Gratwanderig zwüsche Protest und Aabandelig.
Solang mr uns treu blyybe, glaub-y, checke das anderi.
S'isch en Unterschied, ob mr Erfolg hett wil mr guete Rap macht,
oder nur nach Gold strebt und drum s'glyychi wie dr Räscht macht.
Ych bi MCEE, kei Gschäftsmaa, bau jetzt am Fundamänt mit,
wo ihr nutze könne, wenn mr euch s'Mic ind Händ git.

Cuts: Seh' mich täglich auf Wegen die mich prägen.

Refrain

Cuts: Hör mal gut zu auch ohne Product-Placement und Marketing sind wir auf Strassen King, weil Kids unsere Phrasen singen.

(Text: Fetch; Cuts: Johny Holiday)
Report lyrics
Zeiche Setze (2005)
Intro B.R.A.N.D.Härd Survival of The Hartnäckigscht Einzelkämpfer Gueti Miene (feat. Taktpakt) Merksch Nid...? R.I.P. Macht Isch Gift Zeiche Setze Mehr Zyt (feat. Ciaccolo) Jagdbeginn (feat. Rapreflex) F.A.Q. Xplicit Contents (feat. Mr. Complex) Zauberhaft 7-Sieche (feat. Stuuberocker) Filmriss, Part II Was S'Läbe Bringt Merci