Ich wör su jän ens Weihbischof Lyrics

Ich wör `su jään ens Weihbischof,
dat wör en prima Saach.
Ich wör `su jään ens Weihbischof,
dovun dräum ich ald su manche Naach.
Em Dom jet römlaufe
un schwatze Anzöch kaufe,
en d`r Bibel studiere,
ungerm Baldachin spaziere.
Prächtije Jewänder drage,
em Benz jet römfahre,
jet Schau für die Menge,
vun d`r Kanzel jet schänge.

Ich wör `su jään ens Weihbischof,
dat wör en prima Saach.
Ich wör `su jään ens Weihbischof,
dovun dräum ich ald su manche Naach.

Bei de Sünder jet setze,
mem Weihwasser spritze,
Verjebung verschenke,
un Weihrauchfässje schwenke.
Jet schlofe em Jade,
mem Herrjott jet schwade,
de hillije Jeist verdeile
an jede ärme Seele.
Ich wör `su jään ens Weihbischof,
dat wör en prima Saach.
Ich wör `su jään ens Weihbischof,
dovun dräum ich ald su manche Naach.
Immer bei de Jäste
bei Einweihungsfeste.
Jot esse un jot drinke,
jet säne und jet winke.
Bedde für die Kranke un Lahme,
mem Kardinal ovends en Rund Dame.
Af un zo nom Papst ens luure un en jet beduure.

Ich wör `su jään ens Weihbischof,
dat wör en prima Saach.
Ich wör `su jään ens Weihbischof,
dovun dräum ich ald su manche Naach.

dovun dräum ich ald su manche Naach.
Wenn nur eins nit wör,
dat es et ZZZZZölibat.