Draumnaach em Jözenich Lyrics

He ston ich, ben fädich un wat op dich Schatzi,
wat mäs du su lang. Es jet? Maach vürran!
Et Taxi es ald do. Dinge Reißverschluß
krijjen ich om Röcksetz noch zo!
Ungem em Foyer steit die Fottfollee
un es am schwade
ohne Zwang bei Orjelklang,
Sektempfang am Notausjang
un jeder well he schnell sie Jläsje Saff han.
Eimol ens he dren, he kanns de se all sin,
die Kräm vun Kölle.

Eets de Trepp erop, dann ston für uns de Dürre op
ich möch met dir hück Naach op Wolke schwevve.
Lor ens, se sin am danze
nä es dat herrlich, un all dat Leech
sühs du dat lange Kleid do
sin däm sing Zäng do nit e Jedeech.

Draumnaach, Draumnaach em Jözenich,
Draumnaach, Draumnaach für dich un mich
dat es die Draumnaach, Draumnaach bei Käzeleech
och jing die Naach für dich un mich dochnie vorbei.
He es unse Desch,
mir bestelle Fürst Metternich,
dann dummer danze.
Ich hev`dich en d`r Himmel ren
well dis Naach nur jlöcklich sin.
Nur ich un do, mach ding Auge zo.
Lor ens, dä do jrad usrötsch
un zweimol optitsch, do ungerm Desch.
Saach ens, wor dä nit domols
ens en dä Sendung „Ich stelle mich".
Draumnaach, Draumnaach em Jözenich,
Draumnaach, Draumnaach für dich un mich
dat es die Draumnaach, Draumnaach bei Käzeleech
och jing die Naach für dich un mich dochnie vorbei.

-------------------------------------

Da es die Draumnaach, em Jözenich,
och jing die Naach für dich un mich dochnie vorbei.
-------------------
Da es die Draumnaach, em Jözenich,
och jing die Naach für dich un mich
die Naach für dich un mich
die Naach für dich un mich dochnie vorbei.