Ema õpetus Lyrics

Emä opas elleein,
manits maale minneein:
"Tütarlatsi, linnukene,
armas latsi, Annekene,
mingui mustalt muide sekkä,
tõrvaskandu tõiste sekkä!
Mine sa ninni niidu pääle,
mine nukku nurme pääle,
ole iks nope nurme pääle,
vali võõra välla pääle!
Mihekõse mõtsast kaesse,
poisi vahtva varikusta,
mõtles kuu tõsevata,
päivä pääle paistevata -
seo paistus tütarlatsi,
ilma emätä kanake,
ilma päätä pääsukene."
Mis saa tütärite tööste,
näiu vaivanägemisest?
Ega neile aita ei anda,
ait ei anda, kari ei kaldu,
andas aher õhvakene,
keerdäs kehvä kirstukene -
too saa tütarite tööste,
näiu vaivanägemisest.
Aida andasse pojale,
kari kaldus minijäle.