Wasserkopf Lyrics

Wasserkopf (A.Köberlein)

Ausm Modderleib, schnell du hosch koi Zeit
ond dr Doktor schreit: des Kend des kommt
Dr Kopf isch ganz verdruggt ond alles voll mit Bluat verschmiert
emmer weiter, weiter, weiter
ond a Johr isch rom - jede Nachd des Gschroi
Mamma, Mamma, namm me doch en Arm
mei Bett des isch ganz nass, mein Schobba isch ganz kalt ond sauer

emmer weiter, weiter, weiter
rollt dr Kopf -losst 'Gedanka frei
losst 'Gedanka endlich frei

Ab en d' Kenderschual - Dante warom hausch du mi?
dr Norbert beißt mir emmer so ens Ohr
dr Nikolaus hod gsait: i ben n besa Bua ond emmer frech
emmer weiter ...
Ond jetz Hausaufgab - he du bisch so bled
ond morga gibts dafür koi Daschageld
dr Josef hod viel Geld ond i stehl 'm Josef Hondert Mark

emmer weiter, emmer weiter, ...
rollt dr Kopf - losst 'Gedanka frei
losst 'Gedanka endlich frei

Gugg des Mädle do - zoig mol wa da kasch!
des Mädle langt mitm Fenger an da Kopf
des gohd au id bei der Visage, Kerle ziah da Schwanz ei
Hau ab, hau ab, hau ab
Mein Schädel blatzd, noi i will nemme
do kommt dr Zug - dr Schaffner schreit omsonschd
dr Kopf isch ganz vrdruggt ond alles voll mit Bluat verschmiert

emmer weiter, emmer weiter, weiter, weiter
rollt dr Kopf, losst 'Gedanka frei
dia fliaged rom ond suached sich da Nägschde
'Dante ond dr Doktor, des Mädle ond dr Norbert leabed weiter
emmer weiter ..