Osposidda Lyrics

Allumadas de fogu
chimbe carenas fritas
tintu a ruju an su logu
in oras malaittas.
Ballas graes at rutu
in sas frunzas d'armidda.
Chie bos fachet lutu
mortos de Osposidda?

A sa tzega sas armas
fiores an brujadu
sun negadas sas parmas
a su malefadadu.

S'istudat in su putu
un'urtima ischintidda.
Chie bos fachet lutu
mortos de Osposidda?
Sonende bos passizan
finas in s'istradone
omines a**imizan
a peddes de sirbone.

Sa piedade at sutu
ranchida sa mammidda.
Chie bos f**het lutu
mortos de Osposidda?

Ti 'essit dae su coro
su sàmbene caente
mancu medaglia 'e oro
t'ana dadu, Pitzente.
Sun pianghende a sucutu
pitzinnos e pobidda.
Chie bos f**het lutu
mortos de Osposidda

Cantu tempus ancora
b'at a cherrere o frade,
pro chi nd'essamus fora
de sa barbaridade?

E no canten su mutu
sas feminas de 'idda?
Chie bos f**het lutu
mortos de Osposidda?