Behüet das Chind Lyrics

Lueg i zrügg, de tüecht es mi

'S sig doch ersch grad geschter gsy
Wo di uf mym Arm ha treit

Wo di i dys Bett ha gleit

Hilflos, chum zum Läbe fit

Stuunsch mi a, vertrousch mer blind

Herrgott, wes di würklech git

Herrgott, gäll, behüet das Chind

Di erschte Schritte, wo d hesch gno

Di erschti Freiheit, wo isch cho

U scho hei nis zwe Meter trennt

Herrgott, gäll, behüet das Chind

Mängs het s denn doch z lache gä

D Wält hesch wölle übernä

Mal bisch Tollpatsch, mal Genie
Chinder chöi das alles sy

D Angscht ir Nacht am Chrankebett

Wiso so still, du Wirbelwind

Herrgott, wes di würklech git

Herrgott, gäll, behüet das Chind

Di erschte Wort no schwär z verstah

Di ersche Schritte u nadisna

Wotsch sälber wüsse, was dr glingt

Herrgott, gäll, behüet das Chind

So wirsch elter, Tag für Tag
Gisch sälber d Antwort, Frag um Frag

Chlyne Mösch, wirsch vil z schnäll gross

Säg, wär s Zyt, i liess di los

Gang di Wäg, fing di Schritt

Itze chum i nümme mit

I hoffe, heig dr chönne gä

Was de bruchsch für dy Wäg z näh

In Gedanke wird i bi dr sy

In Gedanke immer bi dr sy

Was dr ds Läbe geng o bringt

Herrgott, gäll, behüet das Chind

Mys Chind