Tarnsch du di eifach guet? Lyrics

Du hesch mi i dim Arm
Da isch e Bänd wo spielt
Was sy`s für Wort wo hesch dänkt
wo du zu mir hesch gschielt ?
I ha di troffe letscht Nacht
u la di nümm la ga
bis i weis, was das söll
wo mir üs itze da druf y hei gla

So säg mir was i gseh
wo mir i d`Ouge luegt
Bisch da du - würklech
oder tarnsch du di eifach guet ?

wirde Briefe gseh
mit ere andre Schrift
und weis de glych no nid meh
ob das mi betrifft

I wirde alles dra gäh
und trotzdäm Frage ha:
I welem Film bi ig da ?
Wär isch dä Maa näbedra ?

So säg mir was i gseh
wo mir i d`Ouge luegt
Bisch da du - würklech
oder tarnsch du di eifach guet ?
U we de`s würklech bisch
de miech i gärn alles rächt
doch de stellt`s wieder a
und der Guu wird schlächt

I bi scho immer Solischt
und gwöhnt eleini z`stah
Wie söll`mi uf di verlah
wenn i`s doch uf mi scho nid cha ?

Du spielsch dr Märliprinz
u hesch e schwäre Stand
Wenn i d`Prinzässin söll sy
so lis nid us mir Hand:
Du weisch, ds Orakel het gseit
es chömi guet oder schlächt
und so wie d`Stärne o stöh
het das Orakel o rächt

So säg mir was du gsehsch
wo dir i`d Ouge luegt
Bi das i - würklech
oder tarn i mi eifach guet ?

Du hesch mi i dim Arm
Da isch e Bänd wo spielt
Was sy`s für Wort wo hesch dänkt
wo du zu mir hesch gschielt ?

Du hesch mi i dim Arm

Da isch e Bänd wo spielt