給face雜誌的記者ivy Lyrics

詞/曲/編/唱: 阿p

五月十八號你打離約我做訪問　
話想知道關於我地首〈please die, donald tsang〉
聽到你系《FACE》已經覺得有D甘　
同你三唔識七受害應該都系我本人　
我話唔得閒亦唔想做你訪問　
但你打好幾次黎又態度好誠懇　
所以我都俾你係個電話度問　
總好過你完全亂作我個心繫咁諗　
開始既時候你都係正常咁問　
除咗無啦啦問我有無女友同佢點諗　
我再三叮囑唔好寫我正職既身份　
你話都唔知我返乜工又點會有可能　
第日我個friend打黎話見到個訪問　
而且當中仲問埋我間公司既高層　
果個仲要係陳志雲　
問佢點樣睇呢一位員工既呢一首作品　
Ivy　我知你本身不是這種人　
我們都一樣低薪兼出賣靈魂　
但公司裁員時不會講社會責任　
你又何必賣力到賣埋自己既良心　
Ivy　我知近年畢業是很不幸　
讀書時你應該無諗要過呢種人生　
仲要寫多幾多期同害多幾多個人　
夏天來了　不如轉嚇份工唔好再等　
當你仲可以既時候要趁早起行