Butzekrampel Lyrics

Do renne se mei kläne Butze
vertreiwe draus de Regen
mache wind bis in die Wolke
daß die sich bewege
lache pfeife mache krach
und en mords krakel
un ich steh unterm regedach
hab wolken uff de seel
Die werre bald groß
was mache sie bloss
mit Arbeit is nix los,
die hocke uf de stroos,
die hocke uf de Stroos

warum solle se dann fleisich sei
un lerne wie die Affe
un äna bessa wie de anna
in de schul sich dabisch schaffe
denn stehe sie do als verlierer
ihr leit des isch verschisse
wann sie schaffe wolle un wie Hausierer
um e lehrstell bettle müsse
Die werre bald groß
was mache sie bloss
mit Arbeit is nix los,
die hocke uf de Stroos,
die hocke uf de Stroos

k**m her mein kläner Butzekrampel
ich nemm dich in de Arm
die steht noch net uff grün dei Ampel
no hoschs trocken un hoschs warm
du hoschs dahäm schee wie en Fürst
weesch nix von lug un trug
Im große Lebensrege wärscht
demnechst noch nass genug.
Die werre bald groß
was mache sie bloss
mit Arbeit is nix los,
die hocke uf de stroß,
die hocke uf de Stroß

Die werre bald groß
was mache sie bloss
mit Arbeit is nix los,
die hocke uf de stroos,
die hocke uf de Stroos