Mariellche Lyrics

Vor jot zwanzich Johre
do wood ich jebore
Schon domols do woß ich jenau
dat kleine Mariellche
vum Nippeser Tälche
dat weed irjendwann ens ming Frau.
Met drei ham meer zwei en ei Pöttche jemaat,
met fuffzehn em Kino jeknutsch
met achtzehn do mot ich nom Barra erus
un du nohms dir einfach dä Fuss.

Mariellche, Mariellche
verjeß doch dat Kälche,
verjeß in, dä es nix för dich.
Mariellche, Mariellche
verjeß doch dat Kälche
verjeß in un nemm leever mich.

Die Woche verjon
un ich kann nit verston
dat du jetz nit mieh an mich denks
Ich knatsch jede Naach,
lije Stunde lang waach
weil du dich su einfach verschenks
Dat Foto vun dir
hängk noch immer bei mir
Ich schrieve dir tächlich ne Bref.
Du met däm Fuss
dat hald ich nit us
Häß du mich dann ja nit mih leev?

Mariellche, Mariellche
verjeß doch dat Kälche,
verjeß in, dä es nix för dich.
Mariellche, Mariellche
verjeß doch dat Kälche
verjeß in un nemm leever mich.
Ich bruch dich Mariellche
vum Nippeser Tälche
doch zwesche uns lije sechs Stund
Ich kann nit p****ere
ich muß exerziere
Woröm häng ich bloß he beim Bund?

Mariellche, Mariellche
verjeß doch dat Kälche,
verjeß in, dä es nix för dich.
Mariellche, Mariellche
verjeß doch dat Kälche
verjeß in un nemm leever mich.