Hond Lyrics

Wenn ma grad zwanzge war
do hod ma no garnix gsäa
beim Vaddr no ganz brav d'Fiaß onderm Disch
ond obends midm Fahrrad sei Ronde dräa
Ma denkt sich oft, wia des wohl sei
wenn ma vierzge wird- do griagd ma Angschd
Koi Problem, mir send offa- send so frei
mir saged dir , was da hehra magsch

Knocha morsch, Muskelschwond, Leberschada
Ränza rond: gsond - reachde Hond send mir

Wenn ma grad dreißge war
do moisch do bisch vom Fenschdr weg
alles lod noch, ma spürt die Gefahr
ma schnarchd scho wia Modorasäg
Dei Freindin oder Ehefrau
hod sich lenger scho n andra gschnabbd
do frogd ma sich jo selbvrschdändlich au
ob mit vierzge no was laufd- obs no klappt
Kromme Zenka, Lecher, Falda, n'Glatzkopf ond
n'Arsch n kalda: gsond- reachde Hond send mir

Mit vierzge -endlich- do isch ma echd id alt
ma ziddrad bloß auf de fuchzge zua
dr Apotheker stellt oim s'Fläschle kalt
ond wer n reachda Hond isch, juggd rom wian kleina Bua

Knocha morsch, Muskelschwond, Leberschada
Ranza rond: gsond - reachde Hond send mir