Batofou Lyrics

Oté marmay !
Banna la fine par fé
sak toultan zot té promé
La sèl vin zargano malèr
Episa vin kosto romorkèr
La komans
Trinn anou ziska la frans .
Mon péi bato fou
Ousa banna i ral anou .

La poin lontan sa la démaré
Mé soman
Ti dousman ti dousman
Le tan i vien pli fré
In zour la nèz va komans tonbé
Na konèt doulèr , na konèt soufrans
Kan k nout péi sar kosté sanm la frans
Mon péi bato fou
Ousa banna i ral anou
Péi d boi péi fré
Plas an plas i désid pousé
Isi d laba
Gouyav de frans
I sarz a
Kas la brans
Mon péi bato fou
Ousa banna i ral anou

Avan na débarké
Banna la di i fo
Ni dèf nout sové
Ni éklèsi nout po
Ni dégaz koz fransé
Po bann patron zorèy
La pa tro annuyé.
Mon péi bato fou
Ousa banna i ral anou !

Agèt dèryèr nou
Agèt!
La sab lé an san
La mèr lé rouz
Le san rasine volkan
I fé ni la mèr rouz.
Mon péi bato fou
Ousa banna i ral anou