Überstar Lyrics

Am Anfang war wia immer a oida Beatles-Song.
"Love Me Do" woas, glaub i, und dann dauerts nimmer lang.
Du kaufst da d´erste Klampfn und spüst Tog und Nocht.
Auf amoi bist in ana Rock´n´ Roll Band und glaubst du hostas gschofft.
Hostas gschofft?
Du sogst zu deine Oidn "He, es muaß wos weidageh".
Du pockst dei Zeig weust waaßt, es is Zeit fia a eigenes Lebn.
Die Oidn mochn an Aufstand wiast sogst, du wüst jetzt geh.
"Weu waunn is jetzt ned pack, pack is nie, oba des werds es nie vasteh."

Du hostas gschofft.
Hostas gschofft und jetzt wirst zum Überstar, hostas gschofft.
Hostas gschofft und jetzt wirst zum Überstar.
Die ganze Wöd die kniat vua dir, weu jetzt bist a Star.
Du mochst dei erste Plattn und die wird prompt Nummer 1.
Auf amoi wü di jeda singen hean und du host mehr Freind oisd brauchn kannst.
Dei Lebn is a Freispü, ollas wia im Film.
Nur amoi drahst di m und sogst da: Durchblick hob i kan, oba i gwinn.

Hostas gschofft und jetzt bist a Überstar, hostas gschofft.
Hostas gschofft und jetzt bist a Überstar.
Die ganze Wöd die kniat vua dir, weu jetzt bist a Star.
Dann finden di deine Freind in da Frua alla im Bett.
Neben de Tabletten und den Schnaps und es is ollas zspät.
Kana pockt, daß sowos möglich is und daß du sowos kennst.
Dabei host da nur des Lebn min Bleifuaß gebn und am End nimma dabremst.

Du hostas gschofft.
Hostas gschofft und jetzt bleibst a Überstar, hostas gschofft.
Hostas gschofft und jetzt bleibst a Überstar.
Die ganze Wöd die liegt und kniat vua dir, weu jetzt bleibst a Star.