Tamos en un día cualquiera,
allá nos años sesenta,
llevantastite tempranu,
tenís que dir pa'la escuela,
pluma, tinteru y pizarru
metíos nuna fardela.
Son les nueve la mañana y vas pela carretera
tira el aire les castañes y cae alguna gotera.
Abrió la puerte el maestru y entra to la reciella, quedaron to les madreñes debaxo de la escalera,
había que santiguase al empezá la tarea
y cuando pasen la llista alces la mano derecha,
"Presente y arriba España" dixisti de esa manera.
No hai naide que traiga chándal
o cosa que sei paezca,
sino unos pantalonzucos
con remiendos na c**era,
y traes un puñao boliches
metíes na faltriquera.
Y cuando llega el recreu
y no acabasti el poblema
llevaste unes mollellaes
y estiráronte una orella.
Los ríos y les montañes
nun te entren bien na mollera,
de xugaores de fúbol
tienes la cabeza llena,
sabes les allineaciones,
hasta la del Pontevedra.
Cuantas veces te dixeron
que la pluma nun se apierta,
por calcar muncho esparnote
y emborronasti la mesa.
Fuiste pa casa y comisti
les fabes con mucha priesa,
vienes goliendo a chorizu
y rutiando la morciella,
ni pa llimpiar el focicu
tuvisti tiempu siquiera.
De tardi toca dibuxu,
que ye lo que más me presta,
con papel y un llapiceru
pues pintá lo que tu quieras.
allá nos años sesenta,
llevantastite tempranu,
tenís que dir pa'la escuela,
pluma, tinteru y pizarru
metíos nuna fardela.
Son les nueve la mañana y vas pela carretera
tira el aire les castañes y cae alguna gotera.
Abrió la puerte el maestru y entra to la reciella, quedaron to les madreñes debaxo de la escalera,
había que santiguase al empezá la tarea
y cuando pasen la llista alces la mano derecha,
"Presente y arriba España" dixisti de esa manera.
No hai naide que traiga chándal
o cosa que sei paezca,
sino unos pantalonzucos
con remiendos na c**era,
y traes un puñao boliches
metíes na faltriquera.
Y cuando llega el recreu
y no acabasti el poblema
llevaste unes mollellaes
y estiráronte una orella.
Los ríos y les montañes
nun te entren bien na mollera,
de xugaores de fúbol
tienes la cabeza llena,
sabes les allineaciones,
hasta la del Pontevedra.
Cuantas veces te dixeron
que la pluma nun se apierta,
por calcar muncho esparnote
y emborronasti la mesa.
Fuiste pa casa y comisti
les fabes con mucha priesa,
vienes goliendo a chorizu
y rutiando la morciella,
ni pa llimpiar el focicu
tuvisti tiempu siquiera.
De tardi toca dibuxu,
que ye lo que más me presta,
con papel y un llapiceru
pues pintá lo que tu quieras.