Löa
(Morini - Bosso)
Ghe son vegnuo na vòtta, l'é stæto tanto tempo fà,
però ancon mi me ricordo sta canson che coscì a fà:
"T'ei tanto bella Löa lì quegà, pà che ti dormi doppo a to giornà.
Lazzù in scie-u mö erboi e sartie i se ninna un po,
i parte i pescoi careghi de rei pe l'indoman"
Rit: Se ti gh'é a fortunn-a de vegnì a Löa, ti t'atroviè drento a na bella föa,
odoan de stoja i têu caruggi, a stoja che ti ti contiè ai figgi têu.
Quande ti t'arrivi, sia pè tera che pè mâ,
gh'è o Monte Carmè e a sò geixa illuminà,
che a te guidda comme un faro e a te lascia sensa sciou,
ma te dixe finarmente che a Löa ti t'é arrivou,
Chi ghe son un mûggio de geixe e processciuin,
e ogni votta l'é na sfida tra Gianchi e Turchin.
Confraternite rivali ma con grande dignitè,
che se temman e se rispettan, ma sc-ciappan in dui a çittæ.
Rit: Se ti gh'é a fortunn-a de vegnì a Löa, ti t'atroviè drento a na bella föa ,
odoan de stoja i tò caruggi, a stoja che ti ti contiè ai figgi têu.
Passi a Porta do Relêuio, monumento da çittæ
t'é in ti caruggetti orbi perché sô chi no ghe n'é.
Ti fæ o passo do Gambin ch'ou vendeiva biciclette,
t'é in scia passeggiata a mâ, sempre bella de giorno e de nêutte.
In t'a guera coi franseixi t'é perduo tanti figgi
ma u têu nomme o l'é o primmo in sc-e l'Arco de Pariggi.
Sti caruggi han visto nasce a scignoa Rosa Raimondi,
möe de un certo Garibaldi, nostro eroe di dui mondi.
Rit: Se ti gh'é a fortunn-a de vegnì a Löa, ti t'atroviè drento a na bella föa ,
odoan de stoja i têu caruggi, a stoja che ti ti contiè ai figgi têu.
Mi no son de questo posto, ghe son stæto e m'é piaxuo,
e se ho scrito in zeneize me capiè, mi son segûo,
perché o nostro o l'è un dialetto che o l'ûnisce tanta gente,
sia che ti ti stè a Levante o che ti stè chi in to Ponente.
Son ricordi ch'ho in to chêu, li ho descriti comme i sento,
e anche se mi son de Zêna, Löa a m'é intrà proprio chi drento.
Cö a sò gente sempre allegra ch'a t'accheugge con rispetto,
pà de stà in mêzo a di amixi, què ch'ou segge o têu dialetto.
(Morini - Bosso)
Ghe son vegnuo na vòtta, l'é stæto tanto tempo fà,
però ancon mi me ricordo sta canson che coscì a fà:
"T'ei tanto bella Löa lì quegà, pà che ti dormi doppo a to giornà.
Lazzù in scie-u mö erboi e sartie i se ninna un po,
i parte i pescoi careghi de rei pe l'indoman"
Rit: Se ti gh'é a fortunn-a de vegnì a Löa, ti t'atroviè drento a na bella föa,
odoan de stoja i têu caruggi, a stoja che ti ti contiè ai figgi têu.
Quande ti t'arrivi, sia pè tera che pè mâ,
gh'è o Monte Carmè e a sò geixa illuminà,
che a te guidda comme un faro e a te lascia sensa sciou,
ma te dixe finarmente che a Löa ti t'é arrivou,
Chi ghe son un mûggio de geixe e processciuin,
e ogni votta l'é na sfida tra Gianchi e Turchin.
Confraternite rivali ma con grande dignitè,
che se temman e se rispettan, ma sc-ciappan in dui a çittæ.
Rit: Se ti gh'é a fortunn-a de vegnì a Löa, ti t'atroviè drento a na bella föa ,
odoan de stoja i tò caruggi, a stoja che ti ti contiè ai figgi têu.
Passi a Porta do Relêuio, monumento da çittæ
t'é in ti caruggetti orbi perché sô chi no ghe n'é.
Ti fæ o passo do Gambin ch'ou vendeiva biciclette,
t'é in scia passeggiata a mâ, sempre bella de giorno e de nêutte.
In t'a guera coi franseixi t'é perduo tanti figgi
ma u têu nomme o l'é o primmo in sc-e l'Arco de Pariggi.
Sti caruggi han visto nasce a scignoa Rosa Raimondi,
möe de un certo Garibaldi, nostro eroe di dui mondi.
Rit: Se ti gh'é a fortunn-a de vegnì a Löa, ti t'atroviè drento a na bella föa ,
odoan de stoja i têu caruggi, a stoja che ti ti contiè ai figgi têu.
Mi no son de questo posto, ghe son stæto e m'é piaxuo,
e se ho scrito in zeneize me capiè, mi son segûo,
perché o nostro o l'è un dialetto che o l'ûnisce tanta gente,
sia che ti ti stè a Levante o che ti stè chi in to Ponente.
Son ricordi ch'ho in to chêu, li ho descriti comme i sento,
e anche se mi son de Zêna, Löa a m'é intrà proprio chi drento.
Cö a sò gente sempre allegra ch'a t'accheugge con rispetto,
pà de stà in mêzo a di amixi, què ch'ou segge o têu dialetto.