Ich jon bade Lyrics

Ich jon bade
Wenn de mem linke Fooss
des Morjens ad opsteis,
Mem kleine Zih am Bettkaste anschleis
Un fesstelle muss, et es kei Klopapier do,
Du weiss och nit mih, wat jestern wor.
Dä Abschiedsbreef vun Dir klaäv am Spejel,
Du schrievs, Du kanns mich nit mih verston,
Dat es esu ne Dach, wie ich en jän mach,
Do künnt ich en et Wasser jon.

Refrain:
Ich jon bade - Loss et Wasser en
Ich jon bade - Spring en de Bütt eren -
Ich jon bade, ich jon bade,
Lijje ich dann em wärme Wasser,
Föhl ich mich erheblich besser.

Wenn jeder dä dich süht vür dir wegrennt,
Selvs d'r Hungk singe Schwanz vür dir enklemmp,
Dinge Jeldautomat friss ding Kundekaat,
Dat es d'r einzije dä dich noch kennt.
D'r Schlüssel stich wie immer vun enne,
Dinge Name steit nit mih an d'r Dür,
Dat sin esu 'n Sache,
do kannste nix mache,
Do kannste och nix dofür.

Ich jon bade - Loss et Wasser en
Ich jon bade - Spring en de Bütt eren
Ich jon bade - ich jon bade,
Wellste mich beim Bade wecke,
Musste an mingem Stoppe trecke.
Rosmarin, Wacholder, Eukalyptus un Kamille,
Jitt et als Tablette, en d'r Fläsch
un och als Pille,
Föhl ich mich dann wunderbar entspannt
un och belääv,
All dä Stress met mingem Knies
am wiesse Wannerand klääv.

Ich jon bade - Loss et Wasser en
Ich jon, bade - Spring en de Bütt eren
ich jon bade, ich jon bade,
Un süht ming Huck wie Ledder us,
Kritt mich noch lang he keiner 'rus.

edegl