Sguarauunda Lyrics

Nigula bianca de lüüs esclamàda
slàrga el mè öcc e sistèma la stràda
ala de angel nel büücèer della löena
bilancia indrizzàda tra el sùu e quand'che'l'tròna
slàrga la màn de s'ciöema e mistèer
vusa al duman cun la buca de ieer
pàssa e ripàssa e pastrügna el tò cièel
bala c** vèent quand che stòrta i candèel
Gigula nigula, rüva e vànn....
Gigula nigula, senza dànn....

Nigula nègra de quell che sòo mea
cöer che se scuund in de'l'alta marèa
palpebra scüüra che mèssèda i c**ùu
nel sògn de la spèna ghe sarànn mìla fiùu
Gigula nigùla nel tò fiàsch de tempèsta
e lìga'l'stralüsc nel fiàa che me rèsta
l'unda strèmiida la sarà tua surèla
e nel fùund del tò böecc te sbògia una stèla
Gigula nigula, rüva e vànn....
Gigula nigula, senza dànn....

Nigula rùssa in cràpa al guàaguàa
lèngua pugiàda al tramuunt dissanguàa
nigula mamm, papèssa e vampìra
se te vöret basàmm ciàpa la mìra,
nigula ràgn, aràanz e bambàgia
bàsa la riva e làssa una smagia
smàgia che foàda e prepàra la nòcc
cuèrta de föegh, de acqua e de bùcc!
I pèss i sàrenn mea i öcch
gnanca se i henn giò in de la padèla
i pèss vann mai giò in genöcc
gnanca se ia scüscen in de la tòla....

Gigula nigula, nigula redunda, Gigula nigula...
Gigula nigula, nigula redunda, Gigula nigula...