Höchste Zeit Lyrics

Wochst auf und denkst da - na, du denkst da nix
Gspiast des Denkn bringts ned - legst di wieda hin
Oba beim Schlofn geht nix weida, vapickt da nua des Hirn
Schneidst dei erstes 1/4 ei und wartst, daß des wos bringt
Allaa sei is a Krankheit, du wüst unter d'Leut
Glaubst de ham scho gwart auf di, glaubst es is soweit
Höchste Zeit heit, höchste Zeit - du sogst: Des waa do glocht
Höchste Zeit heit - host no vü vua heit Nocht

De Leit, de wos du siechst, die sehn di ned
Des muaß a Mißverständnis sei, wann ana mit dir redt
Dei Lebn des rennt auf Schienen - eanas a
und es rennt ollaweu nua im Kras, und jeda foat allaa
Wannst amoi wem anfoast, is er schwa vawirrt
Oba du gibst no ned auf, weust du gspiast:
Höchste Zeit heit ...

Die Nocht is schwarz wia imma, schwarz und koid
Du bleibst schee im Trab, schaust daßd an jedn gfoist
Sei Lochn owareißn, a wanns zum Wana is
Und no a letzte Runde schmeißn fia wem denst glei vagißt
Wem suachn, der mit dir geht, daßd ned allanich gfriast
Schlofn nebn wem Fremdn, bist Murgn dann gspiast:
Höchste Zeit heit, höchste Zeit - des woa a lange Nocht
Höchste Zeit heit, höchst Zeit - wos hot da de Nocht brocht?
Höchste Zeit heit ...