Rötsch mer jet, Angenies, rötsch mer doch jet! Lyrics

Bei Pullmanns es der janze Dag
de schönste Harmonie.
Ich sage extra: nur am Dag,
doch naaks, o wieh o wieh!
Se han en Bett, dat es zo schmal,
dobei es sei noch nevvenbei,
ich mein als allerjrößte Qual
vill decker wie dä Ahl.
Wenn hä de Lamp usmäht,
et eezte, wat hä säht:

Rötsch mer jet, Angenies, rötsch mer doch jet,
do sühs doch, ich han kein Plaaz em Bett.
Ich ligge mem Rügge he op der Kant,
vun Morjen ahn schlofen ich an der Wand.
Rötsch mer jet, Angenies, rötsch mer doch jet,
do sühs doch, ich han kein Plaaz em Bett,
ich schlofe statt ovends he op der Kant
vun Morjen av an der Wand.
Wenn einer fließig, wie am Dag
dä Pullmanns ihre Mann,
dann well mer naaks, un dat met Räch,
sing Plaaz zum Schlofe han.
Denn saht ens selvs, wie süht dat us,
wenn Mann un Frau han naaks kein Rauh,
un einer sich et Krütz zom Schluss
voll Krünkele läjen muss.
Dann jedesmol met ihr
Dä selben Explizier:
Rötsch mer jet, Angenies, rötsch mer doch jet,...

Dä ein hät vill, dä andre nix,
dat es der Lauf der Welt.
Un för e Paradiesbett han
die Pullmanns doch kei Jeld.
Jetz kütt dobei noch dä Kontrass:
Hä wie en Fluh, die Frau esu!
Och fällt jewöhnlich sich zor Lass,
wat nit zosammepass.
Doch es dä Mann nie kott,
dä hät die Ruhe fott:

Rötsch mer jet, Angenies, rötsch mer doch jet,...